Ndeshja mes Kukësit dhe Tiranës përveç spektaklit në fushë, ka dhuruar edhe disa incidente në shkallët e stadiumit.

Siç ndodh shpesh kohët e fundit, tifozët dëmtojnë ulëset në impiant dhe kjo gjë ka ndodhur dhe në sfidën e djeshme.

Të dy tifozeritë e skuadrave, por më e theksuar te ajo e Tiranës kanë dëmtuar në total 150 stola.

Mësohet se ka patur disa shoqërime në polici dhe kjo e fundit ka proceduar penalisht disa prej tyre, të gjithë të identifikuar nga kamerat e sigurisë.

“Panorama Sport” ka publikuar edhe pamjet nga kamerat e sigurisë në momentin që gjuhen stolat.