Tirana mori një fitore të rëndësishme mbrëmjen e djeshme.

Bardheblutë mposhtën me rezultatin 2-1 Kukësin, ndeshje e vlefshme për javën e 23-të në Kategorinë Superiore.

Sigurisht që entuziazmi ishte i madh tek lojtarët kryeqytetas, të cilët përveç 3 pikëve të marra ndaj një rivali direkt, siguruan dhe vendin e parë në renditje.

Festa e futbollistëve vazhdoi gjatë, teksa fillimisht skuadra bardheblu u ndal të festonte në stadium, ndërsa më pas atmosfera u zhvendos në clubet e kryeqytetit.

Përmes videove të publikuara, shihen të gjithë më të bashkuar se kurrë duke kërcyer dhe kënduar.  Doka dhe Ngo shfaqen të gjithë lumturinë për tre pikë të arta që i dhuruan kreun dhe i japin të besuarve të Emanuel Egbo një shtysë të madhe për të vazhduar misionin drejt titullit kampion.