Në "San Siro" po luhet ndeshja mes Atalantës dhe Valencias, e vlefshme për fazën 1/8 në Champions League. Mbrojtësi i Përfaqësuese shqiptare, Berat Gjimshiti ishte i përfshirë në formacionin zyrtar që u publikua nga klubi para ndeshjes, mirëpo 27 vjeçari ka qenë i pafat ta nis takimin nga minuta e parë.

Gjatë nxehmjes para nisjes së ndeshjes, Berati ka pësuar një dëmtim duke detyruar kështu trajnerin Gasperini për të bërë ndryshime në formacion. Në vend të Gjimshitit nga minuta e parë e ka nisur Mattia Caldara ndërsa mbrojtësi shqiptar i cili feston dhe datëlindjen ditën e sotme, nuk është as në stol.