Berat Gjimshiti feston sot datëlindjen e 27-të. Mbrojtësi i Kombëtares është një ndër më të rëndësishmit në repartin e prapavijës së Atalantës, ndaj edhe klubi italian nuk mund të harronte një urim për futbollistin.

Nëpërmjet një postimi në faqen e tyre zyrtare në rrjetet sociale, Atalanta e uroi në gjuhën shqipe, ndërsa shpreson që Gjimshiti ta festojë sa më mirë këtë ditë të shënuar.

Kjo lidhet edhe me faktin se Atalanta sot në mbrëmje luan ndeshjen e parë në 1/8-at e Ligës së Kampionëve teksa pret Valencian.

Ndaj, klubi kërkon një dhuratë nga Gjimshiti, ndërsa një sukses do ia bënte edhe më speciale festën mbrojtësit shqiptar.