Ylli i Borussias së Dortmundit, Erling Haaland, ndien se është në gjendje të bëjë edhe më shumë, pasi dy golat e tij i siguruan fitoren klubit gjerman kundër Paris Saint-Germain në ndeshjen e parë të 1/8 së finales në Ligën e Kampionëve.

Sulmuesi i talentuar norvegjez shënoi në debutimin e tij për Dortmundin në këtë garë, pas transferimit nga RB Salzburg në janar, duke e çuar në 10 numrin total të golave në Ligën e Kampionëve këtë sezon.

Ai 10 gola i ka realizuar në vetëm 7 ndeshje dhe është bërë lojtari i parë që shënon për dy ekipe të ndryshme.

“Jam i lumtur që u zgjodha lojtari i ndeshjes, por ndiej se mund të bëj shumë më mirë. Duhet të luaj më mirë në këtë nivel. Më duhet të punoj fort për t’u përmirësuar”, tha Haaland.