Atletico Madrid ka fituar duelin e parë ndaj Liverpoolit.
Të besuarit e Diego Simeones mposhtën me rezultatin 1-0 kampionët në fuqi të Euopës në ndeshjen e zhvilluar në stadiumin “Wanda Metropolitano”.
Golin e vetëm për vendasit e realizoi mbrojtësi Saul, i cili ndëshkoi skuadrën e Kloppit vetëm pas 4 minutave lojë, shkruan SYRI.net.
Spanjolli 25-vjeçar shfrytëzoi në maksimum një pakujdesi në mbrojtjen kundërshtare dhe më pas dërgon topin në rrjetë.
Në minutën e fundit të pjesës së parë Liverpooli pretendoi për një penallti. Vrsaljko kapi nga krahët Sadio Mane-në brenda zonës dhe sulmuesi afrikan u shtri në tokë. Teknologjia VAR nuk u aktivizua, ndërsa për arbitrin gjithçka ishte e rregullt.
Gjatë fraksionit të dytë të lojës, skuadrat patën rastet e tyre por pa arritur të finalizojnë duke mbyllur me këtë takim në shifrat 1-0.
Liverpool do të kërkojë në “Anfield” përmbysjen e madhe ndaj Atleticos. / SYRI.net / O.M
Penalltia e pretenduar nga Liverpooli:
© SYRI.net
Bëje LIKE dhe merr lajmin e fundit nga Sporti: