Barcelona vazhdon të “kërcënojë” Interin kur bëhet fjalë për kartonin e Lautaro Martinez.
Me dëmtimet e Ousmane Dembele dhe Luis Suarez argjentinasi shihet si përforcimi ideal për repartin e sulmit katalanas.
Por ai që frenon gjithçka lidhur me këtë çështje, është administratori i deleguar i zikaltërve, Giuseppe Marotta, i cili deklaroi se 22-vjeçari është shumë i rëndësishëm për zikaltrit dhe ata nuk kanë ndërmend ta shesin.
Marotta gjithashtu tha se futbollistët largohen nga Interi vetëm kur të dëshirojnë ata një gjë të tillë.
“Lautaro është i përqendruar te Interi dhe ne nuk kemi ndërmend ta shesim, pasi e shohim si pikë të rëndësishme të projektit. E vetmja mënyrë që ai të largohet, është nëse do ta kërkojë vetë diçka të tillë”, deklaroi Marotta.
© SYRI.net
Bëje LIKE dhe merr lajmin e fundit nga Sporti: