Iker Casillas është rival i Luis Rubiales në zgjedhjet e ardhshme presidenciale të Federatës së Futbollit Spanjoll (RFEF).
Legjenda e Real Madridit u detyrua t’i japë fund karrierës në futboll si pasojë e një sulmi në zemër gjatë seancës stërvitore me Porton në vitin 2019.
Iker Casillas nuk e ka në plan të heqë dorë nga sporti më i popullarizuar në botë dhe në këtë mënyrë do të kërkojë të marrë postin e kreut të federatës.
“Po, do ta prezantoj veten për Presidencën e RFEF kur të zhvillohen zgjedhjet”, ka konfirmuar Casillas.
“Së bashku do ta ngremë federatën tonë në majat e futbollit botëror”, ka thënë ish-kampioni i botës dhe Europës me Spanjën.
38-vjeçari tashmë është takuar me disa nga ish-bashkëlojtarët e tij të kombëtares për t’i kërkuar që ta ndihmojnë në zgjedhje.
Sí, me presentaré a la Presidencia de la @RFEF cuando se convoquen las elecciones. Juntos vamos a poner nuestra Federación a la altura del mejor fútbol del mundo: el de España. #IkerCasillas2020 pic.twitter.com/kHkBChqh4m
— Iker Casillas (@IkerCasillas) February 17, 2020
© SYRI.net
Bëje LIKE dhe merr lajmin e fundit nga Sporti: