Sfida Teuta-Vllaznia (3-1) mbylli javën e 22-të të kampionatit shqiptar të futbollit.
Pas këtij raundi, lufta për titullin kampion është bërë akoma më emocionuese pas ndalesës së Kukësit nga Bylisi 1-1 dhe Tiranës nga Skënderbeu po me të njëjtin rezultat.
Ballshiotët dhe korçarët i dhanë mundësinë e mirë Partizanit të Adolfo Sormanit të afrohet me dy pretendentët për titull.
Të kuqtë nuk e shpërdoruan këtë mundësi, duke fituar bindshëm në fushën e Laçit me rezultatin 1-3.
Kampionët në fuqi të vendit shkurtojnë diferencën me verilindorët në 5 pikë dhe me bardheblutë në 4 pikë.
Me fitoren e sotme ndaj Laçit në kampionat, Partizani fshin eliminimin e papritur në Kupën e Shqipërisë nga Besëlidhja.
Skënderbeu provon sërish se përballë skuadrave të mëdha është një rival tepër i vështirë për t’u mundur.
Bardhekuqtë i shkaktuan trajnerit të Tiranës Emanuel Egbosë barazimin e parë pas 9 fitoreve radhazi në kampionat dhe Kupën e Shqipërisë.
Teuta reagon në mënyrë më të mundshme në kampionat duke mposhtur me rezultatin 3-1 Vllazninë.
Skuadra e Edi Martinit u rikthye te fitorja pas humbjes me Tiranën 2-1 dhe barazimit me Luftëtarin 1-1.
Pas më shumë se 9 muajsh dhe për herë të parë në këtë sezon Flamurtari fitoi ndaj Luftëtarit në Gjirokastër me rezultatin 0-1, megjithatë vlonjatët duhet të rikuperojnë plot 19 pikë për të shmangur rënien nga Kategoria Superiore.
Më poshtë mund të shihni renditjen e Superiores pas ndeshjeve të javës së 22-të.
© SYRI.net
Bëje LIKE dhe merr lajmin e fundit nga Sporti: