Juventusi rikthehet te fitorja në kampionat, duke mundur në shtëpi Brescian me rezultatin e pastër 2-0.

Bardhezinjtë e kanë pasur të vështirë për të zhbllokuar sfidën. Ishte Dybala ai që gjeti rrugën e rrjetës me një goditje dënimi, në minutën e 38-të, pas një faulli që shkaktoi Aye dhe u ndëshkua me karton të kuq.

Në pjesën e dytë Cuadrado shënoi golin sigurisë, pasi një asisti të bukur të Matuidi.

Kështu, Juventusi shkon në kuotën e 57 pikëve, tre më shumë se Interi dhe katër më shumë se Lazio që do të ndeshen mes tyre sot në mbrëmje.

Ndërkaq, në ndeshjet e tjera Fiorentina ka shkatërruar me rezultatin 1-5 Sampdorian në transfertë, ndërsa Parma ka mundur Sasuolon, 0-1.