Janë regjistruar zhurma të forta të helikopterit ku udhëtonte Kobe Bryant vetëm disa sekonda pas aksidentit fatal në afërsi të Kalifornisë.
Në videon më poshtë dëgjoni audion dhe zhurmën e çuditshme që duket si e pazakontë të një helikopteri që fluturon në mjegull dhe më pas ka një fund tragjik me 9 viktima, shkruan SYRI.net.
Banorja Ronna Leavitt ka publikuar në rrjetet sociale një video 43 sekonda nga sistemi i kamerave të sigurisë ku mund të dëgjohet zhurma e helikopterit që ishte shumë pranë ndërtesës së saj.
Leavitt i tha “ABC7” se helikopteri kishte fluturuar sipër kompleksit të saj të banimit dhe kishte bërë një kthesë në formë “U” përpara se të binte në një kodër ku mbeti i vdekur legjenda e basketbollit, Kobe Bryant, vajza e tij 13-vjeçare dhe 7 persona të tjerë në bord.
Deri në këto komente hetuesit amerikanë kanë konfirmuar se helikopterit i mungonte sistemi i paralajmërimit të terrenit dhe mjegulla e dendur mbase ka gjetur të papërgatitur pilotin që duket se ka kryer manovra të gabuara.
“Daily Mail” ka publikuar këtë video ku dëgjohet zhurma e helikopterit vetëm disa sekonda pas rrëzimit, shkruan SYRI.net. / O.M
© SYRI.net
Bëje LIKE dhe merr lajmin e fundit nga Sporti: