Vështirësitë janë të mëdha për Skënderbeun, mirëpo deri më tani ka ditur të tregojë se është një ekip për t’u patur frikë.

Dënimi në Europë është padyshim një mungesë e madhe motivimi për vetë lojtarët, por gjithsesi ky klub e ka një shpresë në gjykatën federale. I ftuar në “Zona Gol” është presidenti i Skënderbeut, Ardian Takaj, i cili i premton besnikëri ekipit pavarësisht këtyre momenteve të vështira.

“I dinë të gjithë problemet që ka Skënderbeu, e kemi deklaruar që do të jemi dinjitozë në kampionat. Jemi në pritje të një gjyqi, rezultatet i kemi. Ka luhatje se ka lojtarë që nuk janë mësuar me presione, këto zhurma mediatike ndikojnë te Skënderbeu. Është shumë mirë që Flamurtari e Luftëtari të respektojnë kampionatin, ashtu jemi edhe ne se përfaqësojmë Korçën e do të jemi dinjitoz deri në fund.

Kanë qenë vite të suksesshme në arenën kombëtare e ndërkombëtare, për këto Kupa është derdhur shumë djersë e para për të arritur në këto nivele që ka arritur Skënderbeu.