Zlatan Ibrahimovic mban 38 vite mbi supe, por akoma nuk “harron” të thyejë rekorde.
Fitorja e sotme e kuqezinjve ndaj Udinezes me rezultatin 3-2 i ka shërbyer për të thyer një rekord, edhe pse suedezi nuk e kishte emrin në listën e golashënuesve.
Ai është futbollisti, që i janë dashur më pak ndeshje për të arritur kuotën e 150 fitoreve në Serie A.
Sulmuesit shtatlartë i janë dashur 222 sfida me ekipet e Juventus, Inter dhe Milan për të thyer rekordin, që më parë mbahej nga Esteban Cambiaso.
Argjentinasit iu nevojitën tetë ndeshje më shumë për të arritur këtë shifër triumfesh.
Në vendin e tretë është Lorenzo Insigne, me 232 sfida me Napolin.
© SYRI.net
Bëje LIKE dhe merr lajmin e fundit nga Sporti: