Arsenali nuk ka marrë më shumë se një barazim 1-1 në sfidën ndaj Sheffield United e vlefshme për javën e 23-të në Premier League.
Golin e vetëm për ‘Gunners’ në këtë takim e realizoi talenti, Gabriel Martinelli, i cili sot luajti si zëvendësues i Pierre Emerick Aubameyang.
Ishte minuta e 45’ kur një krosim të Bukayo Saka e shfrytëzoi për mrekulli Martinelli, i cili dërgoi topin në rrjetë.
Arsenal nuk arriti të ruante këtë avantazh deri në fund të takimit, pasi John Fleck gjeti rrugën e golit në minutën e 83’.
Arsenal me këtë barazim numëron 29 pikë dhe renditet në vendin e 10-të.
© SYRI.net
Bëje LIKE dhe merr lajmin e fundit nga Sporti: