Roma është çerekfinalistja e fundit në Kupën e Italisë. “Verdhekuqtë” mposhtën Parmën me rezultatin e pastër 2-0.
Miqtë ishin më kërkues që në fillim, teksa e kërkonin me ngulm golin e avantazhit. Megjithatë pavarësisht tentativave të shumta nga ekipi i Fonsekës, pjesa e parë u mbyll me rrjeta të pa prekura.
Mirëpo me të filluar e dyta, futbollistët e Romës u hodhën në sulm dhe në minutën e 49-të zhbllokuan rezultatin me anë të Lorenco Pellegrinit.
Pellegrini do të shënonte sërish për romanët, teksa në minutën e 76’, ktheu në gol një penallti.
Në fazën çerekfinale Roma do të përballet me Juventusin, ndërsa takimet e tjera do të jenë Fiorentina-Inter, Milan-Torino dhe Napoli-Lazio.
© SYRI.net
Bëje LIKE dhe merr lajmin e fundit nga Sporti: