Në ndeshjen e sotme të Juventusit ndaj Bayern Leverkusen në Champions League, Gianluigi Buffon ka vendosur një rekord personal.
Portieri italian është bërë lojtari i dytë më i vjetër në moshë që luan në turneun më të rëndësishëm për klube në Europë, i lënë pas vetëm nga një bashkëkombës i tij.
Buffon shkroi emrin mes atyre të aktivizuar në moshën 41 vjeç e 317 ditë, duke qenë tashmë i dyti në renditjen e “plakushëve” të turneut. I vetmi që ka luajtur në një moshë më të madhe është italiani Marko Balota.
Ky i fundit, për shkak të dëmtimeve të njëpasnjëshme te Lacio u kthye nga portier i tretë në portier të parë në vitin 2007 dhe luajti në Ligën e Kampioneve ndaj Real Madrid kur ishte në moshën 43 vjeç e 252 ditë.
Kjo duket një moshë e paarritshme për Bufon dhe për çdo futbollist tjetër, një rekord që vështirë se do ta thyejë ndokush tjetër në historinë e turneut.
© SYRI.net
Bëje LIKE dhe merr lajmin e fundit nga Sporti: