Napoli ka shkarkuar Carlo Ancelottin. Edhe pas fitores mbrëmjen e djeshme në Champions League përballë Genkut, duket se fati i italianit ishte vendosur.
Pas një takimi me Aurelio De Laurentis, presidenti i Napolit i ka komunikuar trajnerit se nuk do të jetë më trajner i klubit, ndërkohë që raporti i miqësisë mes tyre vazhdon pa cenim.
“Sky Sport” shprehet se takimi ka qenë i shkurtër, pasi De Laurentis e kishte ndarë mendjen për atë që do i komunikonte Ancelottit.
Në Itali ndërkohë, e bëjnë të sigurt se ditën e sotme do të jetë Genaro Gattuso ai që do të marrë detyrën e trajnerit të ri të Napolit.
Ende asgjë nuk është zyrtare, por zhvillime të reja priten në ditët në vijim.
© SYRI.net
Bëje LIKE dhe merr lajmin e fundit nga Sporti: