Shpesh herë kemi parë që penalltitë apo goditjet e dënimit bëhen shkak i mosmarrëveshjeve mes shokëve të një skuadre.

Por së fundmi ish-lojtari i Interit, Fredi Guarin ka bërë një gjetje sa gjeniale aq edhe komike e cila po bën xhiron në rrjetet sociale.

Futbollisti kolumbian aktivizohet në kampionatin brazilian me Vasko De Gamën. Në ndeshjen e fundit, skuadra e tij fitoi të drejtën e një goditje dënimi, teksa 3 lojtarë u afruan për ta gjuajtur.

Në këto moment, futbollistët menduan një zgjedhje tepër komike, teksa faullin do ta ekzekutonte ai që do të fitonte lojën e famshme që luajnë shpesh fëmijët (tek a çift). Fituesi i saj ishte pikërisht Guarin, i cili ekzekutoi goditjen e dënimit.