Myrto Uzuni bëhet sërish protagonist me Lokomotivën e Zagrebit.
24-vjeçari ka gjetur sërish rrugën e rrjetës, teksa pas golit të shënuar në fundjavë në fitoren 4-0 Goricës, këtë herë Uzuni ka lënë sërish gjurmë me skuadrën e tij në takimin ndaj Sibenik, e vlefshme për fazën çerekfinale të Kupës së Kroacisë.
Futbollist i Kombëtares shqiptare do t’i jepte avantazhin të tijve në minutën e 24-t, teksa i vetëm përballë portierit Uzuni u tregua i saktë duke e dërguar topin në fundin e rrjetës.
Po në të njëjtën sfidë, një tjetër element kuqezi mundi të gjente golin.
Bëhet fjalë 20-vjeçarin Enis Çokaj, i cili shënoi golin e tretë për Lokomotivën e Zagrebit në minutën e 82-të.
Në fushën e blertë që nga minuta e parë ishin dhe Lirim Kastrati së bashku me Indrit Tucin.
Për Uzunin ky ishte goli i 5-t me fanellën e Lokomotivës së Zagrebit në 15 ndeshje të luajtura, ndërsa Çokaj festoi golin e tij të dytë mes kampionatit dhe Kupës me fanellën e klubit kroat.
© SYRI.net
Bëje LIKE dhe merr lajmin e fundit nga Sporti: