Pas një kohe shumë të gjatë larg fushave, Xherdan Shaqiri është rikthyer në stërvitje me klubin e tij Liverpool.

Njoftimin e bëri vetë lojtari me anë të një postimi në “Facebook”.

Kështu Shaqiri, do të jetë i gatshëm për trajnerin Jurgen Klopp në ndeshjen që “të kuqtë” do të zhvillojnë ndaj Cristal Palace në PremierLeague.

Me Mohamed Salah në dyshim për shkak të një dëmtimi në nyjën e këmbës, 28 vjeçari mund të jetë opsion i dobishëm për Liverpoolin, qoftë si titullar apo zëvendësues.