Policia e Kosovës ka bërë të ditur se ka marrë masat për të siguruar zhvillimin normal të ndeshjes me Anglinë, e cila do të luhet ditën e sotme në Prishtinë.
Sipas policisë, për arsyes sigurie qarkullimi i automjeteve në drejtim të stadiumit është ndërprerë që prej orës 7:00 të mëngjesit.
Gjithashtu policia thotë se do të merren masa ligjore ndaj çdo veprimi të kundraligjshëm.
Njoftimi i Policisë së Kosovës:
Të nderuar/a
Policia e Kosovës, me rastin e zhvillimit të ndeshjes ndërkombetare në futboll ku do të takohen Kombëtarja e Kosovës dhe Anglisë, përmes një urdhëri operativ ka përcaktuar planifikimet operacionale policore për mbarëvajtjen e kësaj ndeshje në aspektin e sigurisë.
Qëllimi i operacionit policor është; Krijimi i një ambienti të qetë dhe të sigurtë për të gjithë qytetarët, mbrojtja e jetës dhe pronës publike dhe private, ndërmarrja e masave ligjore ndaj çdo veprimi të kundërligjshëm, kontrollimi i turmave pjesëmarrëse dhe menaxhimi i trafikut në veçanti në ato lokacione ku ka frekuentim më të theksuar të automjeteve dhe qytetarëve, etj.
Sipas planifikimeve, sot nga ora 07:00 është ndërprerë qarkullimi i veturave në drejtim të Stadiumit, pra në këtë zonë nuk lejohet asnjë veturë të gjendet e parkuar për shkaqe të sigurisë.
Me respekt
Zyra për Informim e PK-së
© SYRI.net
Bëje LIKE dhe merr lajmin e fundit nga Sporti: