Franca do ta përdorë Shqipërinë jo vetëm si një ndeshje testuese, por dhe për t'i dhuruar emocionet e debutimit Matteo Guendouzit. Talenti i Arsenalit u grumbullua në momentet e fundit, pasi zëvendësoi të dëmtuarin Blaise Matuidi.

Trajneri Didier Deschamps ka folur për ftesën e dërguar drejt 20-vjeçarit të Arsenalit. Mesfushori mund të debutojë dhe këtë e pranon në fjalën e tij dhe numri një i stolit.

"Kjo është hera e dytë që ai është me ne, pasi zëvendëson një lojtar të dëmtuar. Rezultatet e Arsenalit nuk kanë qenë të mira, por ai ka bërë me anglezët, por dhe me 21-vjeçarët. Ai ka qenë këtu dhe më herët. Është një i ri me shumë potencial dhe pse nuk luajti në ndeshjet e shtatorit", - tha numri një i stolit.