Shqipëria U21 pësoi një tjetër humbje përballë bashkëmoshatarëve të Anglisë në ndeshjen e vlefshme për eliminatoret e Kampionatit Europian për 21-vjeçarët.
“Tre Luanët” fituan me rezultatin 3-0 përballë Shpresave në takimin që u zhvillua në “Loro Boriçi” të Shkodrës, shkruan SYRI.net
Rezultati u zhbllokua në minutën e 22’ nga Foden. Talenti i Manchester Cityt, godet direkt nga goditja e dënimit dhe topi përfundon në rrjetën e portierit Hoxha.
Ndërsa në minutën e 35-të, anglezët fitojnë një penallti. Nga pika e bardhë gjuan Bruster, por topin përfundon në shtyllë duke humbur kështu një rast të artë për të dyfishuar takimin.
Për të dyfishuar rezultatin mendoi Galager i cili shënoi supergol 2 minuta nga fundi i pjesës së parë.
Gjatë fraksionit të dytë të lojës të rinjtë e Anglisë kontrollojnë lojën dhe shënojnë vetëm në fund të takimit me anë të Nelson. Mbrojtja kuqezi ishte e përgjumur.
Pas kësaj humbje, Shqipëria renditet në vendin e katërt me vetëm 5 pikë të grumbulluara.
© SYRI.net
Bëje LIKE dhe merr lajmin e fundit nga Sporti: