Valon Berisha nuk po kalon një formë të mirë te Lazio dhe në merkaton e janarit me shumë mundësi do të largohet nga të kaltrit.

Megjithatë aventura e mesfushorit mund të jetë përsëri në Serinë A, pasi një tjetër skuadër italiane interesohet për të marrë shërbimet e tij.

Sipas asaj që shkruan “Corriere dello Sport”, futbollisti pëlqehet shumë nga Hellas Verona, të cilët do të përpiqen ta transferojnë në janar.

Madje sipas të njëjtit burim, thuhet se Verona po mendon të fusë në marrëveshje edhe mbrojtësin tjetër shqiptar Marash Kumbulla në marrëveshje, për të mbërritur te Berisha.

Kumbulla po kalon një formë të shkëlqyer në këtë sezon, dhe një kalim te Lazio do të ishte i mirë për lojtarin, por edhe për klubin kryeqytetas, të cilët do të kishin në organikën e tyre një futbollist me të ardhme të madhe.