Kanë përfunduar 45 minutat e para në sfidën që po luhet në “Elbasan Arena” ndërmjet Shqipërisë dhe Andorrës.

Kuqezinjtë po barazojnë 1-1 në sfidën e parafundit të vlefshme për eliminatoret në Euro 2020, shkruan SYRI.net.

Pas 7 minutash lojë Bekim Balaj gjen rrugën e rrjetës duke zhbllokuar rezultatin. Pas një harkimi të Roshit nga e djathta, sulmuesi shkodran godet saktë me kokë duke tundur rrjetën!

Gëzimi i kuqezinjve nuk zgjati shumë pasi mbrojtësi Cristian Martinez Alejo mposhti portierin e Shqipërisë, Etrit Berishën.