Ish-sulmuesi i Newcastle, Faustino Asprilla ka zbuluar një detaj shokues që ka lidhje me mafien.
Në një dokumentar të bërë për jetën e tij, të titulluar “Faustino, Il Grande”, kolumbiani tregoi se pas një sherri me portierin dhe kapitenin e Paraguajit, Chilavert, një mafioz i kishte shkuar në hotel dhe i kishte kërkuar autorizimin për ta vrarë atë.
“Në një ndeshje eliminatore për Francë 1998, unë dhe Chilavert patëm një zënkë në fushë dhe u ndëshkuam të dy me karton të kuq, ndonëse nën një reagim të ashpër të publikut. Pas ndeshjes më erdhi në hotel një njeri i mafies, i njohur me pseudonimin Julo Fierro, i cili më kërkoi autorizim për të vrarë portierin e Paraguajit.
“Ti je i çmendur. Gjithçka që ndodh në fushë, mbetet brenda saj”, i thashë”, tregoi sulmuesi në rrëfimin për jetën e tij.
Faustino Asprilla, me një karrierë rreth 17-vjeçare si profesionist, arriti të luajë për 5 sezone me Parmën dhe dy me Newcastle United.
© SYRI.net
Bëje LIKE dhe merr lajmin e fundit nga Sporti: