Reja merr lajme të mira nga Italia, dy mesfushorët bëhen gati për Kombëtaren

Reja merr lajme të mira nga Italia, dy mesfushorët bëhen gati për Kombëtaren

10:23, 01/11/2019

Shqipëria ka edhe dy ndeshje për të mbyllur këtë edicion kualifikues të “EURO 2020”, ndaj Andorrës e Francës, dhe për trajnerin Edi Reja rëndësi ka çdo futbollist.

Duke qenë se përballë do të jenë dy skuadra të niveleve të ndryshme, atëherë do të bëhet i mundur menaxhimi i forcave për të siguruar rezultat maksimal në secilën.

Ndeshja Brescia-Inter i dha trajnerit të Kombëtares një lajm të rëndësishëm, teksa Emanuele Ndoj debutoi në Serinë A.

Mesfushori u rikthye nga një dëmtim që e mbajti jashtë fushave për tre muaj.

Së fundmi, për trajnerin e Kombëtares, Italia sjell një “buqetë” lajmesh pozitive.

Ledian Memushaj është rikthyer dje në stërvitje, pasi për shkak të një dëmtimi humbi ndeshjen e kaluar ndaj Juve Stabia.

Mesfushori i “Delfinëve” është kthyer i gatshëm dhe pritet të jetë në dispozicion të teknikut Reja për dy ndeshjet e kuqezinjve me Andorrën dhe Francën.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco