Drejtori turk i Vllaznisë, Engin Firat i ka habitur të gjithë, pasi është emëruar si trajner i kombëtares së Moldavisë.

Federata ka prezantuar turkun që pason në këtë pozitë Semen Altman, që u largua pas humbjes ndaj Shqipërisë me rezultatin 0-4.

Në kontratën që ka lidhur me presidentin e Federatës Moldave të Futbollit, Firat do të drejtojë ekipin në dy ndeshjet e nëntorit, përballë Francës dhe Islandës.

Më pas, ata do të ulen sërish në tryezën e bisedimeve, për të vendosur nëse do të zgjasin kontratën apo jo.

Kujtojmë që Moldavia është pjesë e Grupit H eliminator të Europianit 2020, grup ku bën pjesë edhe Shqipëria.