Skënderbeu nuk ka marrë më shumë se një pikë ndaj vendit të fundit në renditje.

Korçarët “harrojnë” të fitojnë pasi barazuan 1-1 ndaj Flamurtarit në sfidën e vlefshme për javën e 10-të në Kategorinë Superiore.

Pjesa e parë nisi me një qarkullim të mirë të topit të korçarëve, dhe pas disa sulmeve, zhbllokimi i rezultatit erdhi në minutën e 23-të, nga Dejvi Bregu. Vlonjati ndëshkon ish-skuadrën e tij por nuk e feston golin e shënuar.

Por, ekipi i drejtuar nga trajneri i ri, Luan Birçe, reagoi dhe në minutën e 41-të, ishte Xhevahir Sukaj, që shtyu topin drejt rrjetës.

Pjesa e parë u mbyll në barazim 1-1. Në fraksionin e dytë, teknikët bënë lëvizjet e tyre, dhe patën raste në të dyja portat. Deri në fund, edhe pse vendasit shfaqën më shumë dëshirë, rrjetat nuk u tundën më.

Në fund, Flamurtari e Skënderbeu ndanë nga një pikë.