Për shumë njerëz, Luca Modric do të mbahet mend si lojtari që theu mbretërimin 10-vjeçar të dyshes Cristiano Ronaldo-Lionel Messi.
Fituesi i “Topit të Artë“ dhe finalist me Kroacinë në Kupën e Botës në vitin 2018 ka përjetuar një sezon mjaftë të vështirë me Real Madrid, madje deri në atë pikë sa do të mungojë në listën e 30 lojtarëve të nominuar për çmimin e “Topit të Artë”.
I pyetur nga “France Football” se kush do të jetë fituesi i “Topit të Artë” për vitin 2019, kroati nuk dha një emër konkret por tha se 4 futbollistë dallohen mes të tjerëve.
“Është e vështirë, por janë katër emra që dallohen nga të tjerë: Cristiano Ronaldo, Leo Messi, Virgil van Dijk dhe Mohamed Salah. I uroj suksese pasi mes tyre mund të ndahet çmimi,” përfundojë Modric.
© SYRI.net
Bëje LIKE dhe merr lajmin e fundit nga Sporti: