Atalanta do të luajë një sfidë shumë të vështirë ditën e nesërme përballë Manchester Cityt në Angli, e vlefshme për Ligën e Kampionëve.
Skuadra e drejtuar nga Gasperini do të ketë një mungesë të madhe, atë të Duvan Zapatës, i cili për shkak të një dëmtimi do të qëndrojë 20 ditë jashtë fushave të blerta.
Kolumbianin do ta zëvendësojë bashkëkombësi i tij, Muriel, që po kalon një moment shumë të mirë.
Por, problemi për Atalantën nuk qëndron në sulm, por në mbrojtje, pasi do të kenë përballë një skuadër që nuk rresht së shënuari.
Mbrojtja e Atalantës që ka në përbërje dhe Gjimshitin do të duhet të përballet nesër në mbrëmje me emra si Aguero, Hezus, Bernardo Silva, David Silva etj.
Mision thuajse i pamundur për fitore, por futbolli nuk i kursen surprizat aq më tepër në Champions.
© SYRI.net
Bëje LIKE dhe merr lajmin e fundit nga Sporti: