Barcelona po përjeton një gjendje lufte me protestuesit që e kanë kthyer qytetin në një fushë beteje me Policinë.
Kjo situatë e tensionuar në Kataluni ka rrezikuar zhvillimin e përballjes mes Barcelonës dhe Real Madridit e planifikuar për tu zhvilluar më 26 tetor 2019.
Në mungesë të konfirmimit zyrtar, “Marca” shkruan se “El Clasico” e parë e këtij sezoni pritet që të zhvendoset dy muaj me vonesë, pikërisht më 18 dhjetor.
Fillimisht ishte menduar që ndeshja e parë të luhet në ‘Santiago Bernabeu’, por një gjë e tillë është mohuar nga Barcelona.
Tashmë sipas këtyre informacioneve pritet që kjo datë të konfirmohet edhe nga Federata Spanjolle e Futbollit.
Zjarre, makina të djegura, vitrina dyqanesh të thyera, përplasje fizike mes uniformave blu dhe qytetarëve. Kjo është situata dramatike ditët e fundit në Barcelonë.
© SYRI.net
Bëje LIKE dhe merr lajmin e fundit nga Sporti: