Sulmuesi braziliani PSG-së, Neymar, ishte një nga emrat më të përfolur në merkaton verore.
27-vjeçari kërkonte me ngul largimin nga parisientë dhe dy skuadrat që e kërkonin më së shumti shërbimet e tij ishin, Real Madrid dhe Barcelona.
Mirëpo siç raportojnë mediat angleze edhe Manchester United ka kërkuar shërbimet e Neymar, madje duke arritur dhe një marrëveshje me ekipin francez.
Por “Djajtë” duke bërë vëzhgimet e tyre, hoqën dorë përfundimisht nga braziliani.
Shkaqet ishin dy: sjellja e tij jo profesioniste në shumë raste dhe kërkesat e të atit, që dëshironte të fitonte sa më shumë para.
United i vendosi të gjitha në “peshore” dhe duke e krahasuar me çmimin e lojtarit në treg, hoqi dorë menjëherë nga ai, duke lënë Barcelonën dhe Realin të vazhdonin tratativat.
© SYRI.net
Bëje LIKE dhe merr lajmin e fundit nga Sporti: