Keidi Bare u grumbullua nga Edi Reja për dy ndeshjet që Shqipëria do të luajë kundër Turqisë dhe Moldavisë.
Megjithatë ky grumbullim nuk i ka bërë mirë klubit të Malagës, ekip në të cilin aktivizohet lojtari shqiptar.
Malaga do të luajë në këtë fundjavë me Cadiz, në ndeshjen e vlefshme për javën e 11-të në La Liga 2.
Tek spanjollët mungojnë shumë lojtarë, për shkak se janë grumbulluar me kombëtaret e tyre.
Në këtë situatë drejtuesit e Malagës, kanë kërkuar tek Federata Spanjolle e Futbollit, që ndeshja e fundjavës të shtyhet për një ditë tjetër, për shkak të mungesave të shumta, ku mes tyre është edhe ajo e Keidi Bares.
© SYRI.net
Bëje LIKE dhe merr lajmin e fundit nga Sporti: