VIDEO/ U njoftua 3 orë përpara ndeshjes për vdekjen e babait, lojtari shpërthen në lot pasi realizoi gol

VIDEO/ U njoftua 3 orë përpara ndeshjes për vdekjen e babait, lojtari shpërthen në lot pasi realizoi gol

15:07, 21/09/2019

Një ngjarje emocionuese  ka ndodhur në kategorinë e dytë amerikane, teksa një futbollist ka shpërthyer në lot pas shënimit të një goli.

Darek Formella i cili aktivizohet me Sakramento Republik në kategorinë e dytë amerikane, ka hyrë në fushën e lojës me skuadrën e tij, vetëm 3 orë pasi kishte marrë vesh lajmin se babai i tij kishte ndërruar jetë.

Një ngjarje shumë e dhimbshme kjo për futbollistin, i cili gjithsesi nuk mungoi në ndeshjen që skuadra e tij luajti kundër Rio Grandes. Lajmin për ndarjen nga jeta të babait të tij, Formella nuk ia kishte treguar askujt, por e kishte mbajtur të fshehtë nga pjesa tjetër e skuadrës.

Ishte pikërisht lojtari në fjalë që shënoi golin e fitores për skuadrën e tij në minutën e 81’, gol i cili bëri të mundur që skuadra e tij të marrë 3 pikët.

Menjëherë pas shënimit të golit lojtari ia dedikon babait të tij të ndjerë dhe, menjëherë pas kësaj shpërthen në lot. Për më shumë shikoni videon:


 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco