Ish-mbrojtësi i djathtë i Volendamit në kampionatin holandez të futbollit, Kelvin Maynard, është vrarë me armë zjarri të mërkurën mbrëma në Amsterdam.
Policia holandeze e ka konfirmuar ditën e sotme vdekjen e 32-vjeçarit.
Mediat në Holandë thonë se dëshmitarët e rastit pohojnë t’i kenë parë dy persona në një skuter duke kryer sulmin, ndërsa Maynardin duke tentuar të fshihet afër një stacioni të zjarrfikësve.
Makina e Maynard u ndal pranë stacionit të zjarrfikësve dhe lojtari nuk doli nga ajo.
Përkundër përpjekjeve të njerëzve në vendin e ngjarjes për ta shpëtuar atë, Maynard nuk ka mundur t’iu mbijetojë plagëve dhe ka vdekur.
“Ne konfirmojmë se viktima e të shtënave me armë në Langbroekdreef mbrëmjen e së mërkurës ishte 32-vjeçari Kelvin Maynard. Hetimi për vrasjen e tij vazhdon”, thuhet në njoftimin e policisë holandeze.
© SYRI.net
Bëje LIKE dhe merr lajmin e fundit nga Sporti: