Barcelona ka qenë shumë me fat mbrëmë, ku ka dalë me një barazim 0-0 nga “Iduna Park” në Dortmund, në një ndeshje të cilën vendasit duhej ta kishin fituar.

Ter Stegen u bë hero, duke pritur edhe një penallti t% gjuajtur nga Reus.

Trajneri Ernesto Valverde pas sfidës pranoi se skuadra e tij kishte vuajtur shume përballë një ekipi që i kishte dominuar.

“Duhet ta pranojmë që kemi vuajtur shumë. Ata sulmonin me rrezikshëm dhe ne na ka munguar thellësia në metrat e fundit. Ata kishin penalltinë, gjuajtjen në shtyllë. Janë të fortë në shtëpi, ndaj ishte një ndeshje e vështirë për ne. Na e vështirësuan shumë ndeshjen”, deklaroi tekniku i Barcelonës.