Çështja Nkoulou duket se është mbyllur me fund të lumtur te Torino, sepse pas polemikave në distancë mes mbrojtësit kamerunas dhe klubit “Granata, duket se ka ardhur edhe paqja mes palëve.

Ka qenë vetë qendërmbrojtësi, që ka kërkuar ndjesë publikisht sot ndaj drejtuesve të klubit, stafit teknik, futbollistëve dhe tifozërisë, për të gjithë ato që ai i quajti keqkuptime të ndodhura gjatë ditëve të merkatos.

“Duhet të jemi të përqendruar për të njëjtin qëllim. Duhet të jemi të vendosur për të njëjtin objektiv, në mënyrë që tifozët të jenë krenarë me ne. Për më tepër, kam vendosur të lë pas krahëve problemet e krijuara gjatë merkatos së verës dhe të vazhdoj përpara pa hezitim. Për këtë, unë dua t’u kërkoj ndjesë nëse sjelljet e mia janë keqinterpretuar apo kanë ofenduar tifozërinë, të gjithë drejtuesve të skuadrës, trajnerit e stafit teknik dhe të gjithë shokëve të ekipit”, tha ndër të tjera Nkoulou.

I menjëhershëm ishte edhe reagimi i klubit të Torinos, që nëpërmjet një deklarate, tha se pas ndjesës publike të mbrojtësit kamerunas, ky i fundit do të fillojë të stërvitet me skuadrën që prej të martës së ardhshme.

Il comunicato di #Nkoulou e la risposta del Torino FC
????https://t.co/l6SiEJKgAD#SFT pic.twitter.com/PXBB7ItVZU

— Torino Football Club (@TorinoFC_1906) September 13, 2019