Më 18 shkurt në Nyon, u mbajt një mbledhje e Komitetit Strategjik të UEFA-s për futbollin profesional.
Aleksander Ceferin, Presidenti i UEFA-s, si dhe Josep Maria Bartomeu, Nasser al-Khelaïfi, Andrea Agnelli dhe Peter Lawwell, që përfaqësonin respektivisht, FC Barcelonën, Paris Saint-Germain, Juventus dhe Celtic Glasgow, ishin të pranishëm.
Sipas asaj që raporton Mundo Deportivo , takimi midis presidentit të katalanasve dhe atij të PSG nuk ka qenë shumë miqësor.
Në momentin që ata po uleshin, Al Khelaifi u drejtua nga homologu i tij spanjoll dhe e përshëndeti me fjalët “ Si je mashtrues” .
Kjo sjellje kishte një arsye: Transferimi i Frenkie de Jong tek Barcelona.
Këtë verë, FC Barcelona mirëpriti mesfushorin holandez, pasi e kishte njoftuar këtë blerje që në janar.
Një nga konkurrentët e Barçës për transferimin e De Jong nuk ishte askush tjetër përveç PSG.
Parisienët u përpoqën deri në fund për të bindur agjentin e lojtarit, Oscar Grau, por ishte e kotë.
Duket se presidentët kanë pasur një marrëveshje të fshehtë midis tyre për De Jong, por duket se kjo marrëveshje është thyer nga presidenti i Barcelonës.
Ky tension që është krijuar midis presidentëve shpjegon dhe ngecien e bisedimeve mes palëve për çështjen Neymar.
© SYRI.net
Bëje LIKE dhe merr lajmin e fundit nga Sporti: