Flamurtari ka zyrtarizuar dhe një tjetër përforcim në radhët e saj. Bëhet fjalë për një mbrojtës shtatlartë argjentinas por që luan në kampionatin Meksikan të futbollit.
Sebastian Ariel Ibars është zyrtarisht futbollisti më i ri i Flamurtarit. Qëndërmbrojtësi 28-vjeçar ka të dhëna shumë të mira dhe mund të konsiderohet si nga prurjet më cilësore të Flamurtarit në këtë merkato.
Në karrierën e tij Ariel Ibars ka luajtur kryesisht në kategorinë e dytë të futbollit argjentinas fillimisht me skuadrën e Almirante Broën dhe më pas me All Boys.
Ndërkohë në sezonin e fundit ai ishte pjesë e skuadrës së ligës së dytë meksikane Cafetaleros de Chiapas, skuadër me të cilën zhvilloi në total 17 ndeshje duke realizuar dhe 2 gola.
Në ditët e ardhshme 28-vjeçari argjentinas pritet t’i bashkohet Flamurtarit në stërvitje për të qenë gati për startin e sezonit të ri të Kategorisë Superiore.
Me afrimet e dy shkodranëve Gocaj dhe Pjeshka por edhe të Lirim Memës dhe Ariel Ibars, por edhe Franc Veliun që pritet të rinovojë,Flamurtari kompleton repartin e mbrojtjes.
Vlonjatët kërkojnë të vazhdojnë me përforcime pavarësisht se ndodhen në një moment krize, ata na premtojnë surpriza të tjera në ditët në vazhdim.
© SYRI.net
Bëje LIKE dhe merr lajmin e fundit nga Sporti: