Juventus njofton se ka arritur marrëveshje me Ajaxin për mbrojtësin Matthijs de Ligt.

Talenti holandez ka nënshkruar kontratë 5-vjeçare me kampionët e Serisë A të cilët kanë paguar 75 milionë euro.

Në një intervistë të dhënë për kanalin zyrtar të Ajaksit në televizion, De Ligt ka sqaruar pse ka zgjedhur Juventusin dhe jo një skuadër tjetër për të vazhduar karrierën e tij.

“Kam qenë gjithmonë i “hipnotizuar” nga mënyra se si italianët mbrojnë. Shumë nga idhujt e mi të së kaluarës janë edhe italianë, të tillë si: Paolo Maldini, Franco Baresi, Alessandro Nesta, Fabio Cannavaro, apo Gaetano Scirea. Unë në fakt u dashurova me mënyrën italiane të mbrojtjes dhe bëra një zgjedhje të tillë”, është shprehur De Ligt.