Mauro Icardi po shqyrton mundësinë e transferimit te Napoli.
“Nerazzurrët” nën drejtimin e Antonio Contes kanë bërë të ditur se ish-kapiteni nuk është më në planet e Interit dhe shumë shpejt do të shitet.
Icardi nuk ka udhëtuar me skuadrën në turneun e tyre para-sezonale në Azi, ndërsa këtë kohë po konsideron ofertat e mara në drejtim të tij.
26-vjeçari fillimisht refuzoi idenë e një lëvizjeje në Napoli, por tani sulmuesi thuhet se e ka pranuar situatën e tij dhe po shqyrton transferimin drejt jugut të Italisë.
Sipas “Corriere dello Sport”, Icardi tani është i hapur për një transferim në Napoli para kalimit te “Zonja e Vjetër” që nuk ka interes për sulmuesin në fjalë.
Çmimi i kërkuar nga Interi mendohet të jetë diku rreth 60 milionë euro dhe Napoli pritet të hidhet në sulmin final.
© SYRI.net
Bëje LIKE dhe merr lajmin e fundit nga Sporti: