Juventusi ka prezantuar zyrtarisht afrimin më të fundit, Aron Ramsay.

Futbollisti britanik u largua nga Arsenali me parametra zero për të provuar një aventurë të re në Serie A me fanellën e Juventusit.

Ramsey do të marrë numrin 8, një fanellë legjendare për bardhezinjtë. "Princi i Torinos", Claudio Marchisio, e ka mbajtur mbi shpinë këtë numër.

Ramsey në bisedën e tij e pranoi këtë sfidë dhe shpreson që të bëjë po aq mirë sa Marchisio.

"Doja numrin 8 dhe në momentin që e kuptova se është i lirë e mora. E di që i përket një legjende si Marchisio, nëse bëj po aq mirë sa ai do të isha shumë krenar.

"Jam i lumtur që jam këtu. Në momentin që e mora vesh se më donin nuk hezitova. Ishte si një ëndërr e kthyer në realitet", tha Ramsay gjatë prezantimit.

Termina qui la conferenza stampa di @aaronramsey , a breve il report su https://t.co/0WCF8MKZsH . Ma la giornata di Aaron prosegue. Stay tuned! ????#WelcomeAaron pic.twitter.com/cAc7NbWMLI

— JuventusFC (@juventusfc) July 15, 2019