Juventus po mendon për të ardhmen.
Ditën e sotme Rodrigo Bentancur ka rinovuar kontratën me bardhezinjtë deri në qershor të vitit 2024.
Rodrigo Bentancur iu bashkua Juventusit nga Boca Juniors në verën e vitit 2017 për 12.5 milionë euro, si pjesë e marrëveshjes që e dërgoi Carlos Tevezin në Argjentinë.
Kontrata e tij paraprake përfundonte në qershor të vitit 2022, por ai i ka shtuar edhe dy vjet të tjera në këtë kontratë dhe paga e tij është ngritur në mënyrë të dukshme.
“Karriera e tij deri më tani mund të përshkruhet si e një njeriu dhe një të kaluar premtuese, një të tashme brilante dhe një të ardhme që pret për t’u shkruar: të gjitha me fanellën e Juventusin në trup”, shkruhet në deklaratën e Juventusit.
Sipas kontratës së re, ai do të paguhet 2.7 milionë euro në vit, ndërsa “Zonja e Vjetër” pritet që së shpejti ta zyrtarizojë edhe rinovimin e kontratës së Daniele Ruganit.
Ufficiale | Rinnovo fino al 2024 per Rodrigo Bentancur! https://t.co/MKqvAekZwZ #Bentancur2024 pic.twitter.com/Sn4BFQUzmd
— JuventusFC (@juventusfc) June 22, 2019
© SYRI.net
Bëje LIKE dhe merr lajmin e fundit nga Sporti: