Tashmë është zyrtare, Alessandro Nesta merr drejtimin e Frosinones në Serinë B.
Ashtu sikurse pritej, ish-mbrojtësi i Milanit ka marrë përsipër të rikthejë këtë skuadër në elitën e futbollit italian.
“Frosinone komunikon se ia ka besuar drejtimin teknik të skuadrës së parë Alessandro Nestës. Trajneri i ri i verdhekaltërve ka firmosur kontratë 2-vjeçare dhe do të prezantohet të mërkurën, në orën 11:30, në ambientet e stadiumit Benito Stirpe”, thuhet në njoftimin zyrtar të Frosinones.
Sezonin e kaluar Nesta ishte në krye të Perugias, duke e mbyllur sezonin në vendin e 8-të, i fundit i zonës “Play Off”, por u eliminua nga Verona që në çerekfinale me rezultatin e thellë 4-1.
© SYRI.net
Bëje LIKE dhe merr lajmin e fundit nga Sporti: