Matijs De Ligt është një nga emrat më të kërkuar në merkato. Mbrojtësi holandez premton shumë për të ardhmen dhe tre klube “big” janë çmendur pas tij.

PSG, Barcelona dhe Juventus e duan lojtarin në skuadër dhe janë gati të bëjnë sakrifica financiare për 19-vjeçarin e Ajaxit.

Spanjollja “Sport”, zbulon se cilat kanë qenë ofertat, që kanë bërë këto tre skuadra për De Ligtin.

Francezët e PSG-së kanë qenë ata që kanë ofruar një rrogë më të lartë për holandezin. 12 milionë euro në sezon.

2 më pak ka ofruar Juventusi dhe mësohet se Barcelona ka ofruar vetëm 6 milionë euro në sezon, për 19-vjeçarin.

Kjo ofertë e ulët e Barcelonës e ka bërë mbrojtësin të bëjë një hap pas për të shkuar apo jo në Katalonjë.