De Ligt çdo ditë e më shumë është larg Barcelonës.
Duket qartë se ylli holandez ka nisur t’i hedhë disa hapa drejt kryeqytetit francez, sipas informacioneve më të fundit nga mediat e kontinentit.
Sipas “De Telegraaf”, nëna dhe e dashura e 19-vjeçarit të Ajax ishin për vizitë në Paris, ku vizituan rezidencat e mundshme, në njërën nga të cilat mund të vendosen, në rast se qendërmbrojtësi e përmbyll nënshkrimin me PSG.
Të njëjtat informata tregojnë se vizitat në shtëpitë e mundshme janë bërë në fshehtësi të plotë, udhëtimi drejt tyre është bërë me makina me xhama të zinj.
Madje, këto makina janë siguruar nga vetë klubi i PSG, siç raportohet nga Holanda. E gjitha kjo nuk bën gjë tjetër, veçse ushqen tezën se kapiteni i Ajax është shumë afër mbylljes së marrëveshjes me kampionët e Francës.
© SYRI.net
Bëje LIKE dhe merr lajmin e fundit nga Sporti: