Me mbylljen e sezonit, tashmë është koha për të pushuar, për të gjithë aktorët e futbollit. Por, pushimet duket se kanë qenë të shfrenuara për arbitrat e Premier Leauge.

Në një lajm të publikuar nga “The Sun”, gjashtë arbitra angelzë, Martin Atkinson, Kevin Frend, Andre Mariner, Graham Skot, Roxher Ist dhe Dejvid Kut, janë kapur duke festuar në një lokal nate, në prani të shumë vajzave vendasve në Indonezi.

“Bilbilat” e Anglisë, në fakt nuk janë kapur në momente fort të përshtatshme, duke marrë parasysh që janë të martuar, madje edhe me fëmijë. Ata shihen teksa kërcejnë e qëndrojnë afër vajzave të reja, duke kërcyer si edhe duke pirë alkool.

Mes tyre, Martin Atkinson, arbitri që dënoi Shqipërinë, në ndeshjen e famshme të Beogradit ndaj Serbisë, duke bërë që kuqezinjtë të mos e fitonin ndeshjen 3-0 në tavolinë pas gjërave që ai kishte shkruajtur në procesverbalin e takimit se ishte Shqipëria që nuk pranoi të rikthehej në fushë, pozon për kamerën teksa përqafohej nga një vajzë me një fustan të shkurtër të kuq.

Atkinson është 48-vjeç, si dhe baba i dy fëmijëve.