Trajneri i Përfaqësueses së Kosovës, Bernard Challandes, ka dhënë komentet e tij pas ndeshjes me Malin e Zi, ku “Dardanët” barazuan 1-1 në Podrgoricë.

“Kishim mundësinë që të mbyllnim ndeshjen disa herë në pjesën e dytë, pasi patëm dy raste të mira. Nëse nuk shënojmë, normalisht se jemi në rrezik. Pësuam një gol dhe nuk jam i kënaqur. Kemi luajtur ndeshje të veçantë si mysafirë, skuadra mbajti topin mirë, patëm raste për shënim, por u ndëshkuam. Nuk ishte ndeshja më e mirë e mundshme”, tha fillimisht Challandes.