Xherdan Shaqiri ka këmbëngulur se Liverpooli kurrë nuk do ta kishte arritur rishikimin historik ndaj Barcelonës në gjysmëfinale të Ligës së Kampionëve sikur mos të kishte qenë për bashkimin mes lojtarëve.

Prandaj, ylli kosovar i Zvicrës, u ka bërë thirrje bashkëlojtarëve të tij te Liverpooli para finales së madhe në Ligën e Kampionëve ndaj Tottenhamit që së bashku ata mund të arrijnë edhe më shumë.

“Gjëja më e rëndësishme për një grup të madh është të jetë i bashkuar", tha numri 23 për “Liverpoolfc.com”.

"Së bashku, ne mund të arrijmë shumë, këtë e kemi parë në ndeshjet si ajo ndaj Barcelonës, për shembull", shtoi ai.

Shaqiri synon Championsin për herë të dytë, pasi e ka fituar këtë trofe në vitin 2013 me Bayern Munchen.